അദ്ദിക്ർ

ത്രികാലജ്ഞാനമായ ഗ്രന്ഥത്തിലെ മൂന്നിലൊന്ന് സൂക്തങ്ങള്‍ പരലോകത്തെ വരച്ചു കാണിക്കുന്നതാണ്. അതിനെ മൂടിവെക്കുന്ന കാഫിറുകള്‍ ലോകം അവസാനിക്കുകയോ ഇവിടുത്തെ ജീവിതത്തെക്കുറിച്ച് ഉത്തരം പറയേണ്ടിവരികയോ ഇല്ല എന്ന് വായകൊണ്ട് പറയുന്നവരല്ല, മറിച്ച് അവരുടെ പ്രായോഗികജീവിതം പരലോകത്തെ സത്യപ്പെടുത്തുന്ന വിധത്തിലുള്ളതല്ല എന്നതാണ് വാസ്തവം. നാഥനെക്കൊണ്ട് സത്യം ചെയ്യുന്ന മൂന്ന് സൂ ക്തങ്ങളില്‍ ഒന്നാണ് ഇത്. 10: 53; 64: 7 എന്നിവയാണ് മറ്റുരണ്ട് സൂക്തങ്ങള്‍. നാഥന്‍ ഉണ്ട് എന്നത് എത്രമാത്രം സത്യമാണോ, വിധിദിവസം ഉണ്ട് എന്നതും അത്രമാത്രം സത്യം ത ന്നെയാണ് എന്നാണ് നാഥനെക്കൊണ്ട് ആണയിട്ട് പറയുന്നതിന്‍റെ ഉദ്ദേശ്യം. 16: 89; 27: 75; 63: 11; 67: 13-14 വിശദീകരണം നോക്കുക.